दिल्लीमा बलात्कारमा परेकी युवतीको निधन

दिल्लीमा बलात्कारमा परेकी युवतीको निधन
१४ पुस, काठमाण्डौं । नयाँ दिल्लीमा बसभित्र बलात्कार र आक्रमणको सिकार परेकी २३ बर्षकी युवतिको गएराती निधन भएको छ । उनको आज विहान नेपाली समयअनुसार साढे २ बजे निधन भएको हो । दिल्लीमा भएको संघन कक्षमा उपचार भएपछि एयर एम्बुलेन्सबाट थप उपचारका लागि सिंगापुरको माउन्ट एलिजावेथ हस्पिटल लगिएको थियो । उनको उपचारकै क्रममा आज निधन भएको चिकित्सकहरुले बताएका छन् ।
उनका शरीरका अंगहरु विस्तारै निष्कृय भएर काम गर्न छोडेपछि मृत घोषणा गरेको चिकित्सकहरुको भनाई छ । उनको शवलाई आजै दिल्ली ल्याउने तयारी भइरहेको छ ।
२३ बर्षकी छात्राको मृत्यु प्रति दुःख व्यक्त गर्दै भारतीय प्रधानमन्त्री मनमोहनसिंहले यो घटनाप्रति आफु निक्कै गम्भिर भएको बताएका छन् । उनले एक सन्देश जारी गर्दै सरकार महिला सुरक्षाको सुनिश्चितताका लागि अग्रसर हुने बताएका छन् ।साथै अहिले रहेको महिला सम्बन्धी कानुनको समीक्षा गर्नका लागि पहल गर्ने बताएका छन् ।