‘अश्लील’ भिडियो ८० घण्टामा १० लाख पटक हेरियो
एजेन्सी, पौष १८ । भारतका पञ्जाबी गायक ज्याजी बी र हनी सिंहको एक गीत इन्टरनेटमा राखेको मात्रै ८० घण्टामा १० लाख पटक हेरिएको छ । ‘दिस पार्टी गेटिन हट’ नामक उक्त गीतको भिडियो गएको २८ डिसेम्बरमा यु–ट्युबमा राखिएको थियो र यु–ट्युबमा राखिएको ८० घण्टामै भिडियो १० लाख पटक हेरिएको भारतीय सञ्चारमाध्यमाहरुले जनाएका छन् ।
तर, अर्कोतर्फ भारतमा उक्त भिडियोलाई लिएर विवाद सुरु भएको छ । समाचार एजेन्सी बीबीसीका अनुसार गायक हनी सिंह विरुद्ध अश्लील गीत लेखेको र गाएको विषयमा लखनउमा उजुरी दर्ता भएको जनाइएको छ ।
उक्त गीतमा कयौं स्थानमा आपत्तिजनक शब्दको प्रयोग भएको बीबीसीले जनाएको छ । यत्ति हुँदा पनि उक्त भिडियोले इन्टरनेटमा भने चर्चा बटुलिरहेको छ ।
त्यस्तै उक्त भिडियो जब सोसियल नेटवर्किङ साईटमा गयो त तब १० लाख बढी व्यक्तिले उक्त गीत शेयर गरेको जनाइएको छ । त्यस्तै उक्त भिडियो अहिलेसम्म एक सय ५० बढी देशमा हेरिईसकेको बताइएको छ ।
No comments:
Post a Comment